#ໜ່ວຍພັກໂຮງງານຜະລິດຢາ ຊີບີເອຟ ສໍາເລັດກອງປະຊຸມໃຫຍ່​ ຄັ້ງທີ VI​ -​--------==========--------- #ວັນທີ 25 ທັນວາ​ 2024,​ ໜ່ວຍພັກ​ ໂຮງງານຜະລິດຢາ​ ຊີບີເອຟ ທີ່ຂຶ້ນກັບ​ຄະນະພັກຮາກຖານ​ພະແນກສາທາລະນະສຸກແຂວງຈໍາປາສັກ​ ໄດ້ດໍາເນີນກອງປະຊຸມໃຫຍ່​ ຄັ້ງທີ VI ຂຶ້ນ​ ຢູ່ຫ້ອງປະຊຸມພະແນກ​ສາທາລະນະສຸກແຂວງ​ ໂດຍການເປັນປະທານ​ຮ່ວມ​ ຂອງ ສະຫາຍ​ ດຣ.​ວຽງສີ ສຸພັກດີ ກໍາມະການ​ພັກ​ແຂວງ​ ເລຂາຄະນະພັກຮາກຖານ​ພະແນກ​ສາທາລະນະສຸກແຂວງ,​ ສະຫາຍ​ ພອນໄຊ​ ເກດ​ມາລາ​ ຮອງຫົວໜ້າຄະນະຈັດຕັ້ງແຂວງ, ສະຫາຍ​ ດຣ.ຈິນດາ ວົງສຸລິ ເລຂາໜ່ວຍພັກໂຮງງານຜະລິດຢາ ຊີບີເອຟ​ ຊຸດທີ​ V. ມີຄະນະຮັບຜິດຊອບບຸກຄະລາກອນຂັ້ນແຂວງ,​ ເລຂາໜ່ວຍພັກ​ - ຄະນະໜ່ວຍພັກ​ ທີ່ຂຶ້ນກັບຄະນະພັກຮາກຖານ​,​ ສະມາຊິກ​ສົມບູນ​ ແລະ​ ສໍາຮອງ ພາຍໃນໜ່ວຍພັກ​ດັ່ງ​ກ່າວ​ ເຂົ້າຮ່ວມ. #ໃນກອງປະຊຸມ, ສະຫາຍ​ ພອນໄຊ​ ເກດ​ມາລາ​ ຮອງຫົວໜ້າ​ຄະນະ​ຈັດຕັ້ງ​ແຂວງ​ ໄດ້ຜານມະຕິຕົກລົງ ຂອງຄະນະປະຈໍາພັກແຂວງ ວ່າດ້ວຍການອະນຸມັດ ດໍາເນີນກອງປະຊຸມໃຫຍ່ ຄັ້ງທີ VI ຂອງໜ່ວຍພັກ​ໂຮງງານຜະລິດຢາ​ ຊີບີເອຟ.​ ຕໍ່ມາ,​ ສະຫາຍ​ ດຣ.ຈິນດາ​ ວົງສຸລິ ເລຂາໜ່ວຍພັກ​ໂຮງງານຜະລິດຢາ​ ຊີບີເອຟ ຊຸດທີ​ V ກໍໄດ້ກາວເປີດກອງປະຊຸມ​ ຜ່ານບົດລາຍງານການເມືອງ ທັງ 2 ພາກ​ ໂດຍສະຫຼຸບຕີລາຄາຜົນການຈັດຕັ້ງ​ປະຕິບັດ​ການນໍາພາ​ -​ ຊີ້ນໍາຂອງຄະນະໜ່ວຍພັກໃນ 5 ປີຜ່ານມາ​ (2020​ -​ 2024) ເຊິ່ງຍົກໃຫ້ເຫັນສະພາບລວມ,​ ທີ່ຕັ້ງ,​ ພາລະ​ບົດບາດ​ ແລະ​ ໂຄງປະກອບຂອງຄະນະໜ່ວຍພັກ,​ ສະພາບການນໍາພາຈັດຕັ້ງປະຕິບັດວຽກງານແຕ່ລະດ້ານ.​ ໜ່ວຍພັກໂຮງງານຜະລິດຢາ ຊີບີເອຟ ໄດ້ຮັບການສ້າງຕັ້ງຂຶ້ນໃນວັນທີ 3 ກັນຍາ 1998, ເປັນໜ່ວຍພັກ, ລັດ - ວິສາຫະກິດປະສົມ ທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງຈຳປາສັກ, ມີພາລະກິດນໍາພາ ໂຮງງານດໍາເນີນການຜະລິດຢາປົວພະຍາດໃຫ້ມີປະສິດທິພາບ ແລະ ປະສິດທິຜົນ, ຮັບປະກັນການຂະຫຍາຍຕົວຢ່າງຕໍ່ ເນື່ອງຕາມແນວທາງນະໂຍບາຍຂອງພັກ.​ ມີ​ສະມາ​ຊິກ​ພັກ​ທັງໜົດ 24 ສະຫາຍ, ຍິງ 11 ສະຫາຍ,​ ໃນນັ້ນ,​ ສະມາ​ຊິກ​ພັກສຳຮອງ 2 ສະຫາຍ(ຊາຍ).​ #ພ້ອມນີ້​ ຍັງຍົກໃຫ້ເຫັນການນໍາພາທາງດ້ານເສດຖະກິດ,​ ດ້ານວັດທະນາທໍາ -​ ສັງຄົມ​, ການພົວພັນ - ຮ່ວມມືກັບຕ່າງປະເທດ.​ ສໍາລັບ​ການຈັດຕັ້ງປະຕິບັດວຽກງານວິຊາສະເພາະ​ ຄະນະ​ໜ່ວຍພັກ​ ໄດ້ກຳນົດນະໂຍບາຍຫັນປ່ຽນໃຫ້ທັນ ສະພາບການ​ ເຮັດໃຫ້ສາມາດຍາດໄດ້ ຜົນງານແຕ່ລະດ້ານ,​ ໃນນັ້ນ,​ ວຽກງານການຜະລິດຢາປົວພະຍາດ,​ ຜະລິດຢາເມັດ - ແຄັບຊຸນ ໃນ 5 ປີຜ່ານມາ​ ສາມາດຜະລິດໄດ້​ 608.112.​556 ເມັດ; ຢາຝຸ່ນ ສາມາດຜະລິດໄດ້ 48.​142.166 ຊອງ; ຢານໍ້າເຊື່ອມ ສາມາດຜະລິດໄດ້ 9.877.​505 ຂວດ; ຢາໃຊ້ພາຍນອກ​ສາມາດຜະລິດໄດ້ 5.​347.​129 ຂວດ; ຢາສັກສົ່ງ ສາມາດຜະລິດໄດ້​19.125.906 ຖົງ/ຂວດ; ຢາສັກ​ ສາມາດຜະລິດໄດ້ 26.​492.​772 ຫຼອດ.​ ສ​່ວນວຽກງານຂາຍ - ການຕະຫຼາດ​ ກໍຖືເປັນວຽກງານ​ສໍາຄັນ​ ຕັດສິນການເຕີບໃຫຍ່ຂະຫຍາຍຕົວຂອງການຜະລິດ, ໃນ​ 5 ປີຜ່ານມາວຽກງານດັ່ງກ່າວ ໄດ້ຮັບການປັບປຸງຢ່າງຕໍ່ເນື່ອງ​ ເພື່ອຮັກສາຖານຕະຫຼາດ.​ ພ້ອມນີ້​ ກໍໄດ້ຂະຫຍາຍຕະຫຼາດໃໝ່ກ້ວາງຂວາງນັບ ແຕ່ສູນກາງລົງສູ່ຫອ້ງຖິ່ນທົ່ວປະເທດ, ອັນທີ່ພົ້ນເດັ່ນແມ່ນໄດ້ນໍາໃຊ້ ແພລັດຟອມ ອອນລາຍ (Platform Online) ເຂົ້າໃນການໂຄສະນາ - ປະຊາສໍາພັນຕາມຍຸກສະໄໝ ພ້ອມທັງສ້າງເຄື່ອຂ່າຍຈໍາໜ່າຍຜະລິດຕະພັນຢາ ຊີບີເອຟ ໃນທົ່ວປະເທດ, ການສົ່ງເສີມການຂາຍ ແລະ ການໂຄສະນາປະຊາສຳພັນດ້ວຍຫຼາຍຮູບແບບ.​ ວຽກງານບັນຊີ - ການເງິນ​ ສາມາດຮັບປະກັນສະເຖຍລະພາບ ແລະ ຄວາມຄ່ອງຕົວທາງດ້ານເສດຖະກິດການເງິນ, ຕິດຕາມ ແລະ ຄຸ້ມຄອງຊັບສິນຄົງທີ່,​ ທຶນໝູນວຽນຢ່າງມີປະສິດທິຜົນ.​ ຜົນປະກອບການ 5 ປີຜ່ານມາ ລວມມູນຄ່າທັງໝົດ 509​ ຕື້​ 33​ ລ້ານກວ່າກີບ ຖ້າທຽບໃສ່ແຜນການຂາຍ 5 ປີ ເຫັນວ່າເກີນແຜນ 39.17%.​ ການມອບພັນທະອາກອນເຂົ້າງົບປະມານ 5 ປີຜ່ານມາ​ ລວມມູນຄ່າທັງໝົດ 49​ ຕື້​ 286 ລ້ານກວ່າກີບ,​ ຖ້າທຽບໃສ່ແຜນການມອບພັນທະ 5 ປີ ເຫັນວ່າເກີນແຜນ 30%. ນອກນີ້​ ຍັງໄດ້ປະກອບສ່ວນຊ່ວຍເຫຼືອສັງຄົມ​ ລວມທັງວັດຖຸ, ປັດໄຈ,​ ຢາປົວພະຍາດ, ເຄື່ອງນຸ່ງຫົ່ມ ແລະ ອື່ນໆ​ ລວມມູນຄ່າທັງໝົດ 1 ຕື້​ 969 ລ້ານກີບ.​ ຜ່ານຈາກການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ V ຂອງໜ່ວຍພັກໂຮງງານຜະລິດຢາ ຊີບີເອຟ​ ມີບຸກຄົນໄດ້ຮັບການຍ້ອງຍໍປະເພດຕ່າງໆ,​ ໃນນັ້ນ​ ໄດ້ຮັບຫຼຽນໄຊແຮງງານ ຊັ້ນ I ມີ 3 ສະຫາຍ, ຍິງ 2 ສະຫາຍ,​ ໄດ້ຮັບຫຼຽນໄຊແຮງງານ ຊັ້ນ II ມີ 2 ສະຫາຍ,​ ໄດ້ຮັບຫຼຽນໄຊແຮງງານ ຊັ້ນ III ມີ 4 ສະຫາຍ, ຍິງ 2 ສະຫາຍ,​ ໄດ້ຮັບຫຼຽນກາແຮງງານ​ 8 ສະຫາຍ, ຍິງ 3 ສະຫາຍ,​ ໄດ້ຮັບຫຼຽນມິດຕະພາບ 2 ສະຫາຍ(ຍິງ), ໃບຍ້ອງຍໍລັດຖະບານ 36 ສະຫາຍ, ຍິງ 19 ສະຫາຍ,​ ໃບຍ້ອງຍໍຈາກເຈົ້າແຂວງ 45​ ສະຫາຍ,​ ຍິງ​ 27​ ສະຫາຍ​ ແລະ​ ໄດ້ຮັບໃບຍ້ອງຍໍຈາກຫົວໜ້າພະແນກສາທາລະນະສຸກແຂວງ​ 19​ ສະຫາຍ,​ ຍິງ​ 8​ ສະຫາຍ.​ ນອກນີ້​ ຍັງຍົກໃຫ້ເຫັນການນໍາພາທາງດ້ານວຽກງານອົງການປົກຄອງ ແລະ​ອົງການຈັດຕັ້ງມະຫາຊົນ; ການນໍາພາ​ວຽກງານປ້ອງກັນ​ຄວາມ​ສະຫງົບ​ຂອງສໍານັກງານ; ວຽກງານກໍ່ສ້າງພັກ​ -​ ພະນັກງານ; ວຽກງານ​ຄຸ້ມຄອງ​ປ້ອງກັນ​ພັກ​ -​ ພະນັກງານ​ ແລະ​ ວຽກງານການເງິນຂອງພັກ.​ ຈາກນັ້ນ,​ ກໍຜ່ານທິດທາງແຜນການ 5 ປີຕໍ່ໜ້າ.​ ພ້ອມນີ້,​ ຄະນະໜ່ວຍພັກຊຸດເກົ່າ​ ກໍໄດ້ຜ່ານບົດສຳຫຼວດການນໍາພາລວມ ແລະ ກ່າວລາໜ້າທີ່.​ #ຕໍ່ມາ,​ ສະຫາຍ​ ພອນໄຊ​ ເກດ​ມາລາ​ ຮອງຫົວໜ້າຄະນະຈັດຕັ້ງແຂວງ ກໍໄດ້ຜານມາດຖານເງື່ອນໄຂຜູ້ສະໝັກເລືອກຕັ້ງຄະນະໜ່ວຍພັກຊຸດໃໝ່​ ພ້ອມທັງຜ່ານລາຍຊື່ຜູ້ສະໝັກ​ 5 ສະຫາຍ,​ ຍິງ​ 1 ສະຫາຍ,​ ໃນນັ້ນ​ ເລືອກເອົາ​ 3 ສະຫາຍ.​ ຜ່ານຈາກການປ່ອນບັດເລືອກຕັ້ງ ແລະ​ ຜົນຂອງກອງປະຊຸມຄັ້ງປະຖົມມະລຶກ​ ເຫັນດີເປັນເອກະພາບ ເລືອກເອົາ​ ​ສະຫາຍ​ ດຣ.​ຈິນດາ ວົງສຸລິ ເປັນເລຂາໜ່ວຍພັກ​ໂຮງງານຜະລິດຢາ ຊີບີເອຟ ຊຸດທີ VI​, ສະຫາຍ​ ສົມໄຊ ຫົງສະຫວາດ ເປັນຮອງເລຂາ, ສະຫາຍ​ ກຽງເພັດ ກາຖາຍະລາດ ເປັນປະທານກວດກາ​ໜ່ວຍພັກ.​ ຈາກນັ້ນ​ ກໍໄດ້ມອບຊໍ່ດອກໄມ້ໃຫ້ແກ່ຄະນະໜ່ວຍ​ພັກ​ໂຮງງານຜະລິດຢາ​ ຊີບີເອຟ​ ຊຸດໃໝ່,​ ໃຫ້ກຽດມອບໂດຍ​ ສະຫາຍ​ ດຣ.ວຽງສີ ສຸພັກດີ ກໍາມະການ​ພັກ​ແຂວງ​ ເລຂາຄະນະພັກຮາກຖານ​ພະແນກ​ສາທາລະນະສຸກແຂວງ​.​ ຕອນທ້າຍກອງປະຊຸມ,​ ສະຫາຍ​ ດຣ.ວຽງສີ​ ສຸພັກດີ​ ກໍມີຄໍາເຫັນໂອ້ລົມຊີ້ທິດເຍືອງທາງ​ ເພື່ອໃຫ້ຄະນະໜ່ວຍພັກຊຸດໃໝ່ ໃຊ້ເປັນບ່ອນອີງໃນການນໍາພາ​ -​ ຊີ້ນໍາ​ວຽກງານໃນຕໍ່ໜ້າ​ ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ. #ຂໍອະນຸຍາດແຊ #ຂ່າວສານສາທາລະນະສຸກ ແຂວງຈຳປາສັກ * ຂ່າວ-ພາບ​: ທູນທອງໃຈ​ *

#ໜ່ວຍພັກ ວິທະຍາໄລ ວິທະຍາສາດສຸຂະພາບ ສໍາເລັດກອງປະຊຸມໃຫຍ່ ຄັ້ງທີ XI ວັນທີ 24 ທັນວາ 2024, ໜ່ວຍພັກວິທະຍສໄລ ວີທະຍາສາດສະຂະພາບ ທີ່ຂື້ນກັບຄະນະພັກຮາກຖານ ພະແນກສາທາລະນະສຸກແຂວງຈໍາປາສັກ ໄດ້ເປີດກອງປະຊຸມໃຫຍ່ ຄັ້ງທີ XI , ກອງປະຊຸມຈັດຂຶ້ນຢູ່ທີ່ພະແນກສາທາລະນະ ສຸກແຂວງ ໂດຍການເປັນປະທານ ຮ່ວມ ຂອງ ສະຫາຍ ດຣ ວຽງສີ ສຸພັກດີ ກໍາມະການ ພັກ ແຂວງ ເລຂາຄະນະພັກຮາກຖານ ພະແນກສາທາລະນະສຸກ ແຂວງ, ສະຫາຍ ນາງ. ທອງວານ ແກ້ວເມກ ຄະນະກຳມະການ ບຸກຄະລາກອນຂັ້ນແຂວງ, ສະຫາຍ ດຣ ບຸນຄໍ້າ ເພັດທານີ ເລຂາໜ່ວຍພັກ. ມີຄະນະຮັບຜິດຊອບບຸກຄະລາກອນຂັ້ນແຂວງ, ເລຂາໜ່ວຍພັກ-ຄະນະໜ່ວຍພັກທີ່ຂຶ້ນກັບຄະນະພັກຮາກຖານ , ສະມາຊິກສົມບູນ ແລະ ສໍາຮອງພາຍໃນໜ່ວຍພັກ ດັ່ງ ກ່າວ ເຂົ້າຮ່ວມ. ໃນກອງປະຊຸມສະຫາຍ ນາງ ສັງວານ ແສນສຸກ #ເລຂາໜ່ວຍພັກໄດ້ກ່າວເປີດກອງປະຊຸມ.ພ້ອມທັງຜ່ານບົດລາຍງານການເມືອງທັງ 2 ພາກ.ກ່ຽວກັບການຈັດຕັ້ງປະຕິບັດການນໍາພາ-ຊີ້ນໍາ ຂອງຄະນະໜ່ວຍພັກ ໃນໄລຍະ 5 ປີຜ່ານມາ ແລະ ຜ່ານບົດສໍາຫຼວດການນໍາພາລວມໂດຍສະຫາຍໄດ້ຕີລາຄາຄືນຕໍ່ການນຳພາ-ຊີ້ນໍາ ວຽກງານຮອບດ້ານໃນໄລຍະຊຸມປີຜ່ານມາ ເຊິ່ງຄະນະໜ່ວຍພັກໄດ້ຖືເອົາວຽກງານການສຶກສາອົບຮົມທາງດ້ານການເມືອງ-ແນວຄິດໃຫ້ສະມາຊິກພັກ, ພະນັກງານໃຫ້ມີຄວາມໜັກແໜ້ນ ມີຄວາມເປັນເອກະພາບສູງຕໍ່ແນວທາງນະໂຍບາຍຂອງພັກ, ຊຸກຍູ້ການຈັດຕັ້ງປະຕິບັດວຽກງານວິຊາສະເພາະໃຫ້ມີຜົນສຳເລັດຕາມຄາດໝາຍທີ່ວາງໄວ້, ພາຍໃນໜ່ວຍພັກມີຈໍານວນສະມາຊິກພັກ 26ສະຫາຍ, ຍິງ 18 ສະຫາຍ, ຈາກຜົນງານການນຳພາ-ຊີ້ນຳເຮັດໃຫ້ໜ່ວຍພັກໄດ້ຮັບນາມມະຍົດເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ. ກອງປະຊຸມໄດ້ມີຄວາມເປັນເອກະພາບສູງຮັບຮອງເອົາບົດລາຍງານການເມືອງທັງສອງພາກຈາກຜູ້ແທນສົມບູນພາຍໃນໜ່ວຍພັກທີ່ເຂົ້າຮ່ວມ. #ໂອກາດນີ້ສະຫາຍ ນາງ ທອງວານ ແກ້ວເມກ ບຸກຄະລາກອນຂັ້ນແຂວງ ກໍໄດ້ຜານມາດຖານເງື່ອນໄຂຜູ້ສະໝັກເລືອກຕັ້ງຄະນະໜ່ວຍພັກຊຸດໃໝ່ ພ້ອມທັງຜ່ານລາຍຊື່ຜູ້ສະໝັກ ຈໍານວນ 5 ສະຫາຍ, ໃນນັ້ນ ເລືອກເອົາ 3 ສະຫາຍ. ຜ່ານຈາກການປ່ອນບັດເລືອກຕັ້ງ ແລະ ຜົນຂອງກອງປະຊຸມຄັ້ງປະຖົມມະລຶກ ເຫັນດີເປັນເອກະພາບ ເລືອກເອົາ ສະຫາຍ ນາງ ພອນພູລັກ ບົວລະວົງ ເປັນເລຂາໜ່ວຍພັກ , ສະຫາຍ ນາງ. ດວງພະໄທ ເປື່ອງຈັນທີ ເປັນຮອງເລຂາ, ສະຫາຍ ແສງອຸໄທ ບຸນບັນຈົບ ເປັນປະທານກວດກາພັກ. ໃນກອງປະຊຸມທີ່ມີຄວາມໝາຍສໍາຄັນນີ້, ສະຫາຍ ດຣ ວຽງສີ ສຸພັກດີ ກໍ່ມີຄໍາເຫັນໂອ້ລົມຊີ້ທິດເຍືອງທາງ ເພື່ອໃຫ້ຄະນະໜ່ວຍພັກຊຸດໃໝ່ ນໍາໄປເປັນບ່ອນອີງໃນການນໍາພາຊີ້ນໍາ ວຽກງານໃນຕໍ່ໜ້າໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ. #ຂ່າວສານສາທາລະນະສຸກແຂວງຈຳປາສັກ

#ໜ່ວຍພັກກັນພະຍາດສໍາເລັດກອງປະຊຸມໃຫຍ່ ຄັ້ງທີ VI ວັນທີ 23 ທັນວາ 2024, ໜ່ວຍພັກ ກັນພະຍາດ ທີ່ຂື້ນກັບຄະນະພັກຮາກຖານ ພະແນກສາທາລະນະສຸກແຂວງຈໍາປາສັກ ໄດ້ເປີດກອງປະຊຸມໃຫຍ່ ຄັ້ງທີ VI ກອງປະຊຸມ ຈັດຂຶ້ນ ຢູ່ພະແນກດັ່ງກ່າວ ໂດຍການເປັນປະທານ ຮ່ວມ ຂອງ ສະຫາຍ ດຣ ວຽງສີ ສຸພັກດີ ກໍາມະການພັກແຂວງ ເລຂາຄະນະພັກຮາກຖານ ພະແນກສາທາລະນະສຸກ ແຂວງ, ສະຫາຍ ນາງ.ທອງວານ ແກ້ວເມກ ຄະນະກຳມະການ ບຸກຄະລາກອນຂັ້ນແຂວງ, ສະຫາຍ ນາງ ຄຳມີ ຄຳພາສຸກ ເລຂາໜ່ວຍພັກ. ມີຄະນະຮັບຜິດຊອບບຸກຄະລາກອນຂັ້ນແຂວງ, ເລຂາໜ່ວຍພັກ - ຄະນະໜ່ວຍພັກທີ່ຂຶ້ນກັບຄະນະພັກຮາກຖານ , ສະມາຊິກສົມບູນ ແລະ ສໍາຮອງພາຍໃນໜ່ວຍພັກດັ່ງກ່າວ ເຂົ້າຮ່ວມ. #ໃນກອງປະຊຸມສະຫາຍ ນາງ ຄຳມີ ຄຳຜາສຸກ ເລຂາໜ່ວຍພັກໄດ້ກ່າວເປີດກອງປະຊຸມ.ພ້ອມທັງຜ່ານບົດລາຍງານການເມືອງທັງ 2 ພາກ.ກ່ຽວກັບການຈັດຕັ້ງປະຕິບັດການນໍາພາ-ຊີ້ນໍາ ຂອງຄະນະໜ່ວຍພັກ ໃນໄລຍະ 5 ປີຜ່ານມາ ແລະ ຜ່ານບົດສໍາຫຼວດການນໍາພາລວມໂດຍສະຫາຍໄດ້ຕີລາຄາຄືນຕໍ່ການນຳພາ-ຊີ້ນໍາ ວຽກງານຮອບດ້ານໃນໄລຍະຊຸມປີຜ່ານມາ ເຊິ່ງຄະນະໜ່ວຍພັກໄດ້ຖືເອົາວຽກງານການສຶກສາອົບຮົມທາງດ້ານການເມືອງ-ແນວຄິດໃຫ້ສະມາຊິກພັກ, ພະນັກງານໃຫ້ມີຄວາມໜັກແໜ້ນ ມີຄວາມເປັນເອກະພາບສູງຕໍ່ແນວທາງນະໂຍບາຍຂອງພັກ, ຊຸກຍູ້ການຈັດຕັ້ງປະຕິບັດວຽກງານວິຊາສະເພາະໃຫ້ມີຜົນສຳເລັດຕາມຄາດໝາຍທີ່ວາງໄວ້, ພາຍໃນໜ່ວຍພັກມີຈໍານວນສະມາຊິກພັກ 18 ສະຫາຍ, ຍິງ 11 ສະຫາຍ, ຈາກຜົນງານການນຳພາ-ຊີ້ນຳເຮັດໃຫ້ໜ່ວຍພັກໄດ້ຮັບນາມມະຍົດເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ. ກອງປະຊຸມໄດ້ມີຄວາມເປັນເອກະພາບສູງຮັບຮອງເອົາບົດລາຍງານການເມືອງທັງສອງພາກຈາກຜູ້ແທນສົມບູນພາຍໃນໜ່ວຍພັກທີ່ເຂົ້າຮ່ວມ. #ໂອກາດນີ້ສະຫາຍ ນາງ ທອງວານ ແກ້ວເມກ ບຸກຄະລາກອນຂັ້ນແຂວງ ກໍໄດ້ຜານມາດຖານເງື່ອນໄຂຜູ້ສະໝັກເລືອກຕັ້ງຄະນະໜ່ວຍພັກຊຸດໃໝ່ ພ້ອມທັງຜ່ານລາຍຊື່ຜູ້ສະໝັກ ຈໍານວນ 5 ສະຫາຍ, ໃນນັ້ນ ເລືອກເອົາ 3 ສະຫາຍ. ຜ່ານຈາກການປ່ອນບັດເລືອກຕັ້ງ ແລະ ຜົນຂອງກອງປະຊຸມຄັ້ງປະຖົມມະລຶກ ເຫັນດີເປັນເອກະ ພາບເລືອກເອົາ ສະຫາຍ ນາງ ປອ ດຣ ນັນທະສານ ວັນນະວົງ ເປັນເລຂາໜ່ວຍພັກ, ສະຫາຍ ນາງ. ຄຳມີ ຄຳຜາສຸກ ເປັນຮອງເລຂາ, ສະຫາຍ ນາງ ສຸມາໄລ ບຸນມະນີ ເປັນປະທານກວດກາພັກ. ໃນກອງປະຊຸມທີ່ມີຄວາມໝາຍສໍາຄັນນີ້, ສະຫາຍ ດຣ ວຽງສີ ສຸພັກດີ ກໍ່ມີຄໍາເຫັນໂອ້ລົມຊີ້ທິດເຍືອງທາງ ເພື່ອໃຫ້ຄະນະໜ່ວຍພັກຊຸດໃໝ່ ນໍາໄປເປັນບ່ອນອີງໃນການນໍາພາຊີ້ນໍາ ວຽກງານໃນຕໍ່ໜ້າໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ. #ຂ່າວສານສາທາລະນະສຸກແຂວງຈຳປາສັກ ບູນມະນີ

#ໜ່ວຍພັກ ອະນາໄມ ແລະ ສົ່ງເສີມສຸຂະພາບ ສໍາເລັດກອງປະຊຸມໃຫຍ່ ຄັ້ງທີ I ວັນທີ 24 ທັນວາ 2024, ໜ່ວຍພັກ ອະນາໄມ ແລະ ສົ່ງເສີມສຸຂະພາບ ທີ່ຂື້ນກັບຄະນະພັກຮາກຖານ ພະແນກສາທາລະນະສຸກແຂວງຈໍາປາສັກ ໄດ້ເປີດກອງປະຊຸມໃຫຍ່ ຄັ້ງທີ I ກອງປະຊຸມ ຈັດຂຶ້ນ ຢູ່ພະແນກດັ່ງກ່າວ ໂດຍການເປັນປະທານ ຮ່ວມ ຂອງ ສະຫາຍ ດຮ ວຽງສີ ສຸພັກດີ ກໍາມະການ ພັກ ແຂວງ ເລຂາຄະນະພັກຮາກຖານ ພະແນກສາທາລະນະສຸກ ແຂວງ, ສະຫາຍ ນາງ.ທອງວານ ແກ້ວເມກ ຄະນະກຳມະການ ບຸກຄະລາກອນຂັ້ນແຂວງ, ສະຫາຍ ນາງ ສັງວານ ແສນສຸກ ເລຂາໜ່ວຍພັກ. ມີຄະນະຮັບຜິດຊອບບຸກຄະລາກອນຂັ້ນແຂວງ, ເລຂາໜ່ວຍພັກ - ຄະນະໜ່ວຍພັກທີ່ຂຶ້ນກັບຄະນະພັກຮາກຖານ , ສະມາຊິກສົມບູນ ແລະ ສໍາຮອງພາຍໃນໜ່ວຍພັກ ດັ່ງ ກ່າວ ເຂົ້າຮ່ວມ. ໃນກອງປະຊຸມສະຫາຍ ນາງ ສັງວານ ແສນສຸກ #ເລຂາໜ່ວຍພັກໄດ້ກ່າວເປີດກອງປະຊຸມ.ພ້ອມທັງຜ່ານບົດລາຍງານການເມືອງທັງ 2 ພາກ.ກ່ຽວກັບການຈັດຕັ້ງປະຕິບັດການນໍາພາ-ຊີ້ນໍາ ຂອງຄະນະໜ່ວຍພັກ ໃນໄລຍະ 5 ປີຜ່ານມາ ແລະ ຜ່ານບົດສໍາຫຼວດການນໍາພາລວມໂດຍສະຫາຍໄດ້ຕີລາຄາຄືນຕໍ່ການນຳພາ-ຊີ້ນໍາ ວຽກງານຮອບດ້ານໃນໄລຍະຊຸມປີຜ່ານມາ ເຊິ່ງຄະນະໜ່ວຍພັກໄດ້ຖືເອົາວຽກງານການສຶກສາອົບຮົມທາງດ້ານການເມືອງ-ແນວຄິດໃຫ້ສະມາຊິກພັກ, ພະນັກງານໃຫ້ມີຄວາມໜັກແໜ້ນ ມີຄວາມເປັນເອກະພາບສູງຕໍ່ແນວທາງນະໂຍບາຍຂອງພັກ, ຊຸກຍູ້ການຈັດຕັ້ງປະຕິບັດວຽກງານວິຊາສະເພາະໃຫ້ມີຜົນສຳເລັດຕາມຄາດໝາຍທີ່ວາງໄວ້, ພາຍໃນໜ່ວຍພັກມີຈໍານວນສະມາຊິກພັກ 20 ສະຫາຍ, ຍິງ 16 ສະຫາຍ, ຈາກຜົນງານການນຳພາ-ຊີ້ນຳເຮັດໃຫ້ໜ່ວຍພັກໄດ້ຮັບນາມມະຍົດເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ. ກອງປະຊຸມໄດ້ມີຄວາມເປັນເອກະພາບສູງຮັບຮອງເອົາບົດລາຍງານການເມືອງທັງສອງພາກຈາກຜູ້ແທນສົມບູນພາຍໃນໜ່ວຍພັກທີ່ເຂົ້າຮ່ວມ. #ໂອກາດນີ້ສະຫາຍ ນາງ ທອງວານ ແກ້ວເມກ ບຸກຄະລາກອນຂັ້ນແຂວງ ກໍໄດ້ຜານມາດຖານເງື່ອນໄຂຜູ້ສະໝັກເລືອກຕັ້ງຄະນະໜ່ວຍພັກຊຸດໃໝ່ ພ້ອມທັງຜ່ານລາຍຊື່ຜູ້ສະໝັກ ຈໍານວນ 5 ສະຫາຍ, ໃນນັ້ນ ເລືອກເອົາ 3 ສະຫາຍ. ຜ່ານຈາກການປ່ອນບັດເລືອກຕັ້ງ ແລະ ຜົນຂອງກອງປະຊຸມຄັ້ງປະຖົມມະລຶກ ເຫັນດີເປັນເອກະພາບ ເລືອກເອົາ ສະຫາຍ ນາງ ຈັນມີນາ ອຸດທິກອນ ເປັນເລຂາໜ່ວຍພັກ , ສະຫາຍ ນາງ. ຈັນທະຈອນ ເທບວົງສາ ເປັນຮອງເລຂາ, ສະຫາຍ ນາງ ສົມພະໄທ ແກ້ວບົວພາ ເປັນປະທານກວດກາພັກ. ໃນກອງປະຊຸມທີ່ມີຄວາມໝາຍສໍາຄັນນີ້, ສະຫາຍ ດຣ ວຽງສີ ສຸພັກດີ ກໍ່ມີຄໍາເຫັນໂອ້ລົມຊີ້ທິດເຍືອງທາງ ເພື່ອໃຫ້ຄະນະໜ່ວຍພັກຊຸດໃໝ່ ນໍາໄປເປັນບ່ອນອີງໃນການນໍາພາຊີ້ນໍາ ວຽກງານໃນຕໍ່ໜ້າໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ. #ຂ່າວສານສາທາລະນະສຸກແຂວງຈຳປາສັກ

ໜ່ວຍພັກຫ້ອງການບໍລິຫານ, ພະແນກສາທາລະນສຸກແຂວງ ສໍາເລັດກອງປະຊຸມໃຫຍ່ຄັ້ງທີ XV. ====/////==== ວັນທີ 23 ທັນວາ 2024 ນີ້,​ ໜ່ວຍພັກຫ້ອງການບໍລິຫານທີ່ຂື້ນກັບຄະນະພັກຮາກຖານພະແນກສາທາລະນະສຸກແຂວງໄດ້ສໍາເລັດກອງປະຊຸມໃຫຍ່ຄັ້ງທີ XV. ກອງປະຊຸມ​ ຈັດຂຶ້ນ​ຢູ່ຫ້ອງປະຊຸມພະແນກການດັ່ງກ່າວ ໂດຍການເປັນປະທານ​ຮ່ວມ​ ຂອງ ສະຫາຍ​ ດຣ ວຽງສີ ສຸພັກດີ ກໍາມະການ​ພັກ​ແຂວງ​ ເລຂາຄະນະພັກຮາກຖານ​ພະແນກສາທາລະນະສຸກແຂວງ, ມີສະຫາຍ​ ພອນໄຊ ເກດມາລາ ຮອງຫົວໜ້າຄະນະຈັດຕັ້ງແຂວງ, ສະຫາຍ​ ຈັນສະໝອນ ທະນະບົວສີ ເລຂາໜ່ວຍພັກຫ້ອງການບໍລິຫານ. ມີຄະນະກຳມະການຮັບຜິດຊອບບຸກຄະລາກອນຂັ້ນແຂວງ, ເລຂາໜ່ວຍພັກ​ - ຄະນະໜ່ວຍພັກທີ່ຂຶ້ນກັບຄະນະພັກຮາກຖານ​,​ ສະມາຊິກພັກພາຍໃນໜ່ວຍພັກ​ດັ່ງ​ກ່າວ​ ເຂົ້າຮ່ວມ. ໃນກອງປະຊຸມສະຫາຍ ຈັນສະໝອນ ທະນະບົວສີ ເລຂາໜ່ວຍພັກ ໄດ້ກ່າວເປີດກອງປະຊຸມ, ພ້ອມທັງຜ່ານບົດລາຍງານການເມືອງທັງ 2 ພາກສະໄໝທີ XIV ກ່ຽວກັບການຈັດຕັ້ງປະຕິບັດການນໍາພາ-ຊີ້ນໍາ ຂອງຄະນະໜ່ວຍພັກ ໃນໄລຍະ 5 ປີຜ່ານມາ, ຈາກນັ້ນ ກໍ່ໄດ້ຜ່ານບົດສໍາຫຼວດການນໍາພາລວມໂດຍສະຫາຍໄດ້ຕີລາຄາຄືນຕໍ່ການນຳພາ-ຊີ້ນໍາ ວຽກງານຮອບດ້ານໃນໄລຍະຊຸມປີຜ່ານມາ ເຊິ່ງຄະນະໜ່ວຍພັກໄດ້ຖືເອົາວຽກງານການສຶກສາອົບຮົມທາງດ້ານການເມືອງ-ແນວຄິດໃຫ້ສະມາຊິກພັກ, ພະນັກງານໃຫ້ມີຄວາມໜັກແໜ້ນ ມີຄວາມເປັນເອກະພາບສູງຕໍ່ແນວທາງນະໂຍບາຍຂອງພັກ, ຊຸກຍູ້ການຈັດຕັ້ງປະຕິບັດວຽກງານວິຊາສະເພາະໃຫ້ມີຜົນສຳເລັດຕາມຄາດໝາຍທີ່ວາງໄວ້, ພາຍໃນໜ່ວຍພັກມີຈໍານວນສະມາຊິກພັກ 35 ສະຫາຍ, ຍິງ 22 ສະຫາຍ, ຈາກຜົນງານການນຳພາ-ຊີ້ນຳເຮັດໃຫ້ໜ່ວຍພັກໄດ້ຮັບນາມມະຍົດເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນໃນແຕ່ລະປີ, ສາມາດຈັດປະເພດສະມາຊິກພັກແຂງ. ກອງປະຊຸມໄດ້ມີຄວາມເປັນເອກະພາບສູງຮັບຮອງເອົາບົດລາຍງານການເມືອງທັງສອງພາກຈາກຜູ້ແທນສົມບູນພາຍໃນໜ່ວຍພັກທີ່ເຂົ້າຮ່ວມ. ໂອກາດນີ້ສະຫາຍ​ ພອນໄຊ ເກດມາລາ ຮອງຫົວໜ້າຈັດຕັ້ງແຂວງ ກໍໄດ້ຜານມາດຖານເງື່ອນໄຂຜູ້ສະໝັກເລືອກຕັ້ງຄະນະໜ່ວຍພັກຊຸດໃໝ່​ ພ້ອມທັງຜ່ານລາຍຊື່ຜູ້ສະໝັກ​ຈໍານວນ​ 5 ສະຫາຍ,​ ໃນນັ້ນ​ ເລືອກເອົາ​ 3 ສະຫາຍ.​ ຜ່ານຈາກການປ່ອນບັດເລືອກຕັ້ງ ແລະ​ ຜົນຂອງກອງປະຊຸມຄັ້ງປະຖົມມະລຶກ​ ເຫັນດີເປັນເອກະພາບ ເລືອກເອົາ​ສະ​ຫາຍ ຈັນສະໝອນ ທະນະບົວສີ ເປັນເລຂາໜ່ວຍພັກຫ້ອງການບໍລິຫານ, ເລືອກເອົາສະຫາຍນາງ ເກດແກ້ວ ຫຼວງໄຊ ເປັນຮອງເລຂາໜ່ວຍພັກຫ້ອງການບໍລິຫານ ແລະ ເລືອກເອົາສະ​ຫາຍ ກິຄຳ ດວງມີສີ ເປັນປະທານກວດກາໜ່ວຍພັກຫ້ອງການບໍລິຫານ ສະໄໝທີ XV. ໃນກອງປະຊຸມທີ່ມີຄວາມໝາຍສໍາຄັນນີ້,​ ສະຫາຍ​ ດຣ ວຽງສີ ສຸພັກດີ ກໍາມະການ​ພັກ​ແຂວງ​ ເລຂາຄະນະພັກຮາກຖານ​ພະແນກສາທາລະນະສຸກແຂວງ ກໍມີຄໍາເຫັນໂອ້ລົມ ເພື່ອຊີ້ທິດເຍືອງທາງ​ ໃຫ້ຄະນະໜ່ວຍພັກຊຸດໃໝ່ ນໍາໄປເປັນບ່ອນອີງໃນການນໍາພາ-ຊີ້ນໍາ​ ວຽກງານໃນຕໍ່ໜ້າໃຫ້ມີຜົນສໍາເລັດຕາມລະດັບຄາດໝາຍທີ່ວາງໄວ້.

ພິທີເຊື່ອມຊືມບັນດາເອກະສານທີ່ຕິດພັນກັບການດຳເນີນຊີວິດການເມືອງຂອງທ້າຍສະໄໝໃຫ້ແກ່ສະມາຊິກພັກ7ໜ່ວຍພັກທີ່ຂື້ນກັບຄະນະພັກຮາກຖານພະແນກສາທາລະນະ ສຸກແຂວງຈຳປາສັກ ✅ພິທີດັ່ງກ່າວຈັດຂື້ນຢູ່ທີ່ສະໂມສອນຫລັກ4 ຂອງແຂວງຈຳປາສັກຂອງວັນທີ 22ພະຈິກ 2024,ໂດຍໃຫ້ກຽດເຂົ້າຮ່ວມປັນປະທານຂອງສະຫາຍ ປະລິນຍາເອກ ສຸປານີ ສິລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົມຮົມແຂວງ,ແລະການໃຫ້ກຽດຂອງ ສະຫາຍ ວຽງສີ ສຸກພັກດີ ກຳມະການພັກແຂວງ,ເລຂາຄະນະພັກຮາກຖານພະແນກສາທາລະນະສຸກແຂວງ,ມີບັນດາສະຫາຍຄະນະພັກຮາກຖານ,ເລຂາຄະນະໜ່ວຍພັກ ພ້ອມດ້ວຍສະມາຊິກພັກສົມບູນແລະສໍາຮອງເຂົ້າຮ່ວມຂອງ7ໜ່ວຍພັກປະກອບມີ ໜ່ວຍພັກໂຮງໝໍແຂວງມີ4ໜ່ວຍພັກ,ໜ່ວຍພັກຫ້ອງການບໍລິຫານ,ໜ່ວຍພັກອະນາໄມແລະສົ່ງເສີມສຸຂະພາບ,ໜ່ວຍພັກກັນພະຍາດ,ໜ່ວຍພັກອາຫານແລະຢາ,ໜ່ວຍພັກ ຊີບີເອັຟແລະໜ່ວຍພັກວິທະຍາໄລວິທະຍາສາດສຸຂະພາບມີຈຳນວນຜູ້ເຂົ້າຮ່ວມທັງໝົດ:190ສະຫາຍ,ຍິງ155ສະຫາຍ #ໃນພິທີ ສະຫາຍ ບົວສອນ ວົງຫາຈັກ ເລຂາໜ່ວຍພັກໂຄສະນາອົບຮົມແຂວງ ແລະ ສະຫາຍ ບຸນປັນ ມະຫາລາດ ຮອງເລຂາໜ່ວຍພັກ ໂຄສະນາອົບຮົມແຂວງ ໄດ້ຂື້ນຜ່ານ4ເອກະສານເຊັ່ນ: 1.ເອກະສານຄວາມເຂົ້າໃຈກ່ຽວກັບການດຳເນີນກອງປະຊຸມໃຫຍ່3ຂັ້ນຂອງພັກ 2.ເອກະສານຍົກສູງຄວາມສາມາດນຳພາແລະຄວາມເປັນແບບຢ່າງຂອງພັກ 3.ເອກະສານຕັ້ງໜ້າຝືກຝົນຫຼໍ່ຫຼອມຄຸນທາດການເມືອງແລະຄຸນສົມບັດສິນທຳປະຕິວັດ 4.ເອກະສານເດັດດ່ຽວແກ້ໄຂປະກົດການຫໍ້ທໍ້ໃນຖັນແຖວພະນັກງານແລະສະມາຊິກພັກ ການເຊື່ອມຊຶມເອກະສານຄັ້ງນີ້ເພື່ອໃຫ້ສະຫາຍຄະນະພັກ,ສະມາຊິກພັກກຳໄດ້ບັນດາແນວ ທາງ, ຂັ້ນຕອນແລະບາດກ້າວໃນການດຳເນີນກອງປະຊຸມໃຫຍ່ໃນຂັ້ນຂອງຕົນໃຫ້ເປັນໄປຕາມທິດທາງລວມຂອງພັກວາງອອກໃນແຕ່ລະໄລຍະໃຫ້ປະກົດຜົນເປັນຈິງ #ຂ່າວສານສາທາລະນະສຸກແຂວງຈຳປາສັກ

#ປະເມີນໜ່ວຍພັກ​ ອາຫານ​ ແລະ​ ຢາ ເປັນໜ່ວຍພັກປອດໃສ,​ ເຂັ້ມແຂງ​ ແລະ​ ໜັກແໜ້ນ​ ປະຈໍາປີ​ 2024​ -​--------============--------- #ວັນທີ 14 ພະຈິກ 2024,​ ໄດ້ມີກອງປະຊຸມປະເມີນໜ່ວຍພັກ​ ອາຫານ​ ແລະ​ ຢາ ທີ່ຂຶ້ນກັບ​ຄະນະພັກຮາກຖານພະແນກສາທາລະນະສຸກແຂວງຈຳປາສັກ​ ເປັນໜ່ວຍພັກປອດໃສ,​ ເຂັ້ມແຂງ​ ແລະ​ ໜັກແໜ້ນ ປະຈຳປີ 2024.​ ກອງປະຊຸມ​ຈັດຂຶ້ນຢູ່ຫ້ອງປະຊຸມພະແນກສາທາແຂວງ​ ໂດຍເປັນປະທານຮ່ວມຂອງ ສະຫາຍ ດຣ.ບຸນຄໍ້າ​ ເພັດທານີ​ ຄະນະພັກຮາກຖານພະແນກສາທາລະນະສຸກແຂວງ, ສະຫາຍ ສີບຸນຍັງ​ ຊາທອງຍົດ ຫົວໜ້າຂະແໜງກວດກາພັກ ຄະນະກວດກາພັກແຂວງ,​ ສະຫາຍ ວຽງທອງ ເທບວົງ​ສາເລຂາໜ່ວຍພັກ​ ອາຫານ​ ແລະ​ ຢາ. ມີຄະນະກຳມະການປະເມີນຜົນໜ່ວຍພັກປອດໃສ,​ ເຂັ້ມແຂງ​ ແລະ​ ໜັກແໜ້ນຂັ້ນແຂວງ, ເລຂາ​ -​ ຮອງເລຂາໜ່ວຍພັກ,​ ຄະນະໜ່ວຍພັກ ທີ່ຂຶ້ນ​ກັບກັບຄະນະພັກຮາກຖານພະແນກສາທາລະນະສຸກແຂວງ,​ ຕາງໜ້າອົງການຈັດຕັ້ງມະຫາຊົນ ຊາວໜຸ່ມ,​ ແມ່ຍິງ,​ ກໍາມະບານ​ ພ້ອມດ້ວຍສະມາຊິກພັກ​ ພາຍໃນໜ່ວຍພັກ​ດັ່ງກ່າວ​ ເຂົ້າຮ່ວມ. #ໃນກອງປະຊຸມ,​ ສະຫາຍ ວຽງທອງ ເທບວົງ​ສາເລຂາໜ່ວຍພັກ​ ອາຫານ​ ແລະ​ ຢາ ໄດ້ລາຍງານຫຍໍ້ບາດກ້າວ, ຂັ້ນຕອນການກະກຽມ ແລະ ດໍາເນີນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2024.​ ຕໍ່ມາ, ສະຫາຍ ສຸລິຍາ ແສງວິລາດ ຮອງເລຂາໜ່ວຍພັກ ກໍໄດ້ຜ່ານບົດສະຫຼຸບການກໍ່ສ້ງໜ່ວຍພັກປອດໃສ, ເຂັ້ມແຂງ​ແລະ​ ໜັກແໜ້ນ ປະຈຳປີ 2024.​ ພ້ອມນີ້,​ ສະຫາຍ ເລຂາໜ່ວຍພັກ ຍັງໄດ້ຜ່ານບົດສໍາຫຼວດການນໍາພາລວມຂອງ ໜ່ວຍພັກ.​ ໜ່ວຍພັກອາຫານ ແລະ ຢາ ເປັນໜ່ວຍພັກທີ່ຂຶ້ນກັບ​ ຄະນະພັກຖານຮາກພະແນກສາທາລະນະສຸກແຂວງ,​ ມີພາລະກິດນໍາພາຂະແໜງອາຫານ ແລະ​ ຢາແຂວງ ເຄື່ອນໄຫວວຽກງານຄຸ້ມຄອງອາຫານ ແລະ ຢາ.​ ມີພາລະບົດບາດ ແລະ ຂອບເຂດໜ້າທີ່ຄຸ້ມຄອງຜູ້ບໍລິໂພກອາຫານ ແລະ ຢາ​ ໃຫ້ມີຄວາມປອດໄພທາງດ້ານຄຸນນະພາບ ປະກອບມີ​ 5 ກຸ່ມວຽກທີ່ຂຶ້ນກັບ ຄື: ວຽກງານຄຸ້ມຄອງຢາຫຼວງ​ - ອຸປະກອນການແພດ, ເຄມີ ແລະ ເຄື່ອງສໍາອາງ, ວຽກງານຄຸ້ມຄອງອາຫານ, ວຽກງານຄຸ້ມຄອງຢາພື້ນເມືອງ, ວຽກງານຄຸ້ມຄອງຄຸນນະພາບອາຫານ ແລະ​ ຢາ ແລະ ວຽກງານຕິດຕາມ​ - ກວດກາ ການນໍາເຂົ້າ ແລະ ສົ່ງອອກ ອາຫານ ແລະ ປະຈໍາດ່ານ.​ ໃນ​ 1 ປີຜ່ານມາ ຄະນະໜ່ວຍພັກ ໄດ້ຖືເອົາການສຶກສາອົບຮົມການເມືອງ​ - ແນວຄິດ ເປັນຫຼັກ​ ໂດຍຕິດພັນກັບການຮ່ວມຊີວິດພັກປະຈໍາເດືອນ, ປຸກລະດົມແນວຄິດຈິດໃຈຂອງສະມາຊິດພັກ ໃຫ້ມີນໍ້າໃຈເສຍສະຫຼະ​ ເພື່ອຊາດ, ເພື່ອປະຊາຊົນ ແລະ ມີຄວາມສາມັກຄີໃນໝູ່ຄະນະ,​ ເປັນຈິດໜຶ່ງໃຈດຽວ​ ດ້ວຍຄວາມບໍລິສຸດສັດຊື່​ ໂດຍແນ່ໃສ່ຜູ້ທີ່ນອນໃນຖັນແຖວສະມາຊິກພັກ, ພະນັກງານຫຼັກແຫຼ່ງໃຫ້ເປັນແບບຢ່າງແກ່ມະຫາຊົນ,​ ມີຄວາມຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ​ - ລັດໃນໄລຍະໃໝ່. ພ້ອມນັ້ນຍັງໄດ້ນໍາພາອົງການຈັດຕັ້ງມະຫາຊົນ​ ກຳມະບານ,​ ຊາວໜຸ່ມ,​ ແມ່ຍິງ​ ໃຫ້ໄດ້ຈັດຕັ້ງເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນຢ່າງແຂງແຮງ ເພື່ອໃຫ້ເປັນກໍາລັງແຮງສັງລວມ ປະຕິບັດທິດທາງແຜນການ ທີ່ໜ່ວຍພັກໄດ້ວາງອອກ, ມີການປັບປຸງແບບແຜນວິທີເຮັດວຽກ ໃຫ້ແທດເໝາະສົມກັບສະພາບການໃນແຕ່ລະໄລຍະ ເພື່ອຮັບປະກັນໃຫ້ແກ່ການເຄື່ອນໄຫວວຽກງານ ໃຫ້ມີຜົນສໍາເລັດຕາມຄາດໝາຍທີ່ວາງໄວ້.​ #ໜ່ວຍພັກ​ ອາຫານ​ ແລະ​ ຢາ​ແຂວງ ມີສະມະຊິກພັກທັງໝົດ 17 ສະຫາຍ, ຍິງ​ 5 ສະຫາຍ​.​ ຈາກຜົນງານການນຳພາ​ ​- ຊີ້ນໍາວຽກງານຜ່ານມາ ສາມາດຕີລາຄາຈັດປະເພດສະມາຊິກພັກ ປະເພດ ແຂງ, ຕີລາຄາປະເພດໜ່ວຍພັກ ເຂັ້ມແຂງ.​ ຈາກນັ້ນ, ຄະນະກຳມະການປະເມີນຜົນໜ່ວຍພັກປອດໃສ,​ ເຂັ້ມແຂງ​ ແລະ​ ໜັກແໜ້ນຂັ້ນແຂວງ​ ກໍໄດ້ປະກອບຄໍາເຫັນ​ ຕໍ່ບົດສະຫຼຸບ ແລະ​ ບົດສໍາຫຼວດການນໍາພາລວມຂອງຄະນະໜ່ວຍພັກ​ ເພື່ອນໍາສະເໜີ​ຄະນະພັກ​ -​ ຂັ້ນເທີງຄົ້ນຄວ້າອະນຸມັດ ເປັນໜ່ວຍພັກປອດໃສ,​ ເຂັ້ມແຂງ​ ແລະ​ ໜັກ​ແໜ້ນ​ ປະຈໍາປີ​ 2024​ ໃນໂອກາດຕໍ່ໄປ. ຕອນ​ທ້າຍ​ກອງປະຊຸມ​ ສະຫາຍ ດຣ.ບຸນຄໍ້າ​ ເພັດທານີ​ ​ຄະນະພັກຮາກຖານພະແນກສາທາລະນະສຸກແຂວງ​ ປະທານກອງປະຊຸມ ກໍມີຄໍາເຫັນໂອ້ລົມຊີ້ທິດ​ເຍືອງ​ທາງ​ ຕື່ມອີກ​. * ຂ່າວ​-ພາບ​: ທູນທອງໃຈ​ *