ກອງປະຊຸມຈັດຂື້ນທີ່ຫ້ອງການປົກຄອງເມືອງ 03 ຕົວເມືອງມີ:ເມືອງຊະນະສົມບູນ, ເມືອງສຸຂຸມາ ແລະ ເມືອງໂຂງ ແຂວງ ຈຳປາສັກ ຄັ້ງວັນທີ 22-24 ທັນວາ 2025

ພິທີເຊັນບົດບັນທຶກຄວາມເຂົ້າໃຈໂດຍຫຍໍ້ ສຳລັບໂຄງການ “ ສຸຂະພາບຕາເດັກ ແຂວງຈຳປາສັກ ” ລະຫວ່າງ ພະແນກສາທາລະນະສຸກແຂວງຈໍາປາສັກ ແລະ ອົງການ CBM Global, ທີ່ພະແນກສາທາລະນະສຸກ ແຂວງຈໍາປາສັກ =====000===== ໃນຕອນເຊົ້າຂອງວັນທີ 28 ມີນາ 2025, ເວລາ 10:00ນາທີ ຢູ່ທີ່ຫ້ອງປະຊຸມຈຳປາຫອມພະແນກສາທາລະນະສຸກແຂວງຈຳປາສັກໄດ້ຈັດພິທີລົງນາມເຊັນບົດບັນທຶກຄວາມເຂົ້າໃຈ ສຳລັບໂຄງການ“ສຸຂະພາບຕາເດັກ ແຂວງຈຳປາສັກ ” ລະຫວ່າງ ພະແນກສາທາລະນະສຸກແຂວງຈໍາປາສັກ ແລະ ອົງການ CBM Global, ໃນພິທິຄັ້ງນີ້ໃຫ້ກຽດເຂົ້າຮ່ວມເປັນປະທານຂອງທ່ານ ດຣ ນາງ ອຸດຕະພອນ ສົມສີທາ ຮອງຫົວໜ້າພະແນກສາທາລະນະສຸກແຂວງ, ທ່ານ ດຣ ນາງ ພອນສະຫວັນ ຈ່າສານ ຮອງຫົວໜ້າສູນປິ່ນປົວ ແລະ ຮັກສາສຸຂະພາບຕາ ກະຊວງສາທາລະນະສຸກ, ທ່ານ ນວນຕາ ລາດຊະວົງໄຊ ຜູ້ປະສານງານອົງການ CBM Global, ມີບັນດາທ່ານຜູ້ຕ່າງໝ້າຈາກ ກະຊວງການຕ່າງປະເທດ, ຕ່າງໜ້າຈາກຫ້ອງການກະຊວງສາທາລະນະສຸກ, ຕ່າງໜ້າຈາກພະແນກການອ້ອມຂ້າງແຂວງເຊັ່ນ: ໂຮງໝໍແຂວງຈຳປາສັກ, ສະມາຄົມຄົນພິການ, ພະແນກສາທາລະນະສຸກແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 22 ທ່ານ ຍິງ 6 ທ່ານ: #ຈຸດປະສົງແລະເປົ້າໝາຍລວມຂອງໂຄງການແມ່ນເພື່ອປັບປຸງລະບົບການໃຫ້ການບໍລິການສຸຂະພາບຕາສຳລັບເດັກເກີດ ໃໝ່ ແລະ ເດັກນ້ອຍລວມທັງເດັກໃນໄວຮຽນຊັ້ນປະຖົມ ແລະ ຊັ້ນມັດທະຍົມ ທີ່ມີບັນຫາທາງດ້ານການເບິ່ງເຫັນ, ທາງໂຄງການຈະໄດ້ຊອກຄົ້ນຫາເດັກຈຳນວນດັ່ງກ່າວເພື່ອໃຫ້ໄດ້ຮັບການກວດ, ແທກສາຍຕາ ແລະ ໃຫ້ການປິ່ນປົວພະຍາດທາງຕາທົ່ວໄປ ລວມທັງປະກອບແວ່ນຕາໃຫ້ເດັກນ້ອຍທີ່ຈຳເປັນຕ້ອງໃສ່ແວ່ນຕາຕາມຄວາມເໜາະສົມ, ຈຳນວນເປົ້າໝາຍຜູ້ທີ່ຈະໄດ້ຮັບການກວດ ແລະ ປິ່ນປົວສຸຂະພາບຕາທັງໝົດ 3.724 ຄົນໃນທົ່ວແຂວງຈຳປາສັກ ແລະ ແຂວງໃກ້ຄຽງ, ໄລຍະການດຳເນີນໂຄງການແມ່ນ 2 ປີ ເລີ້ມຈັດຕັ້ງປະຕິບັດນັບແຕ່ປີ 2025 ຫາ 2027 ເປັນຕົ້ນໄປ

ສູນຕ້ານເອດ ແລະ ພຕພ ຈັດກອງປະຊຸມເຜີຍແຜ່ ກົດໝາຍ ແລະ ແຜນພັດທະນາຍຸດທະສາດ ການກັນ ແລະ ຄວບຄຸມເຊຶ້ອເຮສໄອວີ/ພະຍາດເອດ 2026-2030. ສະເພາະໃນກຸ່ມຜູ້ຕິດເຊຶ້ອເຮສໄອວີ ກຸ່ມປະຊາກອນ ອາຍຸ 15-49 ປີ, ໃຫ້ຕໍ່າກ່ວາ 0,15 %; ສາວບໍລິການໃຫ້ຕໍ່າກ່ວາ 1%; ໃນກຸ່ມຜູ້ຊາຍເພດດຽວກັນໃຫ້ຕໍ່າກ່ວາ 2%; ຈຳນວນຜູ້ຕິດເຊຶ້ອເຮສໄອວີໃໝ່ ບໍ່ໃຫ້ເກີນ 100 ຄົນ ເພື່ອເສີມສ້າງຄວາມເຂັ້ມແຂງ ແລະ ສ້າງສະພາບແວດລ້ອມທີ່ເອຶ້ອອຳນວຍໃນວຽກງານການກັນ ແລະ ຄວບຄຸມເຊຶ້ອເຮສໄອວີ/ພະຍາດເອດ ແລະ ພຕພ, ເພື່ອຊຸກຍູ້ໃຫ້ເຂົ້າເຖິງການບໍລິການປ້ອງກັນ ທິ່ມີຄຸນນະພາບ ແລະ ເພື່ອຂະຫຍາຍການບໍລິການເຂົ້າເຖິງການກວດເລຶອດ, ປິ່ນປົວ ແລະ ດູແລ ເບີ່ງແຍງທີ່ມີຄຸນນະພາບ. ໂດຍການເປັນປະທານຂອງ ທ່ານ ດຣ ພູປະສົງ ຊົມພູ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ທ່ານ ດຣ ນ. ບົວທອງ ສີມະໂນວົງ ຮອງຫົວໜ້າສູນຕ້ານເອດ ແລະ ພຕພ, ມີທ່ານຫົວໜ້າຂະແໜງ ຮອງຂະແໜງ, ບັນດາໂຮງໝໍສູນກາງ ແລະ ບັນດາພາກສ່ວນທີ່ກ່ຽວຂ້ອງໄດ້ເຂົ້າຮ່ວມ. ວັນທີ 18-19 ມີນາ 2025, ທີ່ ທ່າລາດ ແຂວງວຽງຈັນ.

ວັນທີ 18 ມີນາ 2025 ໂຄງການ ເຂົ້າເຖິງການບໍລິການສຸຂະພາບ ແລະ ໂພຊະນາການ ໄລຍະ 2 (HANSA 2) ໄດ້ເປີດກອງປະຊຸມສະຫຼຸບຖອດຖອນບົດຮຽນການຈັດຕັ້ງປະຕິບັດໂຄງການປະຈໍາປີ 2024 ແລະ ເຜີຍແຜ່ແຜນກິດຈະກໍາ ແລະ ງົບປະມານປີ 2025 ໂດຍການເປັນປະທານຂອງ ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ແລະ ເຂົ້າຮ່ວມຈາກບັນດາພາກສ່ວນຈັດຕັ້ງປະຕິບັດໂຄງການອ້ອມຂ້າງກະຊວງສາທາລະນະສຸກ, ພະແນກສາທາລະນະສຸກແຂວງ 18 ແຂວງ, ຕາງໜ້າຈາກກະຊວງການເງິນ ແລະ ກະຊວງກະສິກໍາ ແລະ ປ່າໄມ້. ໃນກອງປະຊຸມດັ່ງກ່າວນີ້ໄດ້ຕີລາຄາສູງຜົນສຳເລັດໃນການຈັດຕັ້ງປະຕິບັດວຽກງານປະເມີນຄຸນນະພາບ ການບໍລິການຂັ້ນສຸກສາລາ, ການຈັດຕັ້ງປະຕິບັດການເຊື່ອມສານການບໍລິການສຸຂະພາບຂັ້ນພື້ນຖານທີ່ມີຄຸນນະພາບ (ຕົວຊີ້ວັດ PBC) ແລະ ການບໍລິຫານຄຸ້ມຄອງໂຄງການ, ຕິດຕາມປະເມີນຜົນ ແລະ ການຮຽນຮູ້ເພື່ອປັບຕົວ. ນອກນີ້ໂຄງການຍັງໄດ້ເຜີຍແຜ່ແຜນການ ແລະ ແຜນງົບປະມານ ປີ 2025 ແລະ ແຜນບູລິມະສິດໃນ 2 ໄຕມາດຕົ້ນປີ.

#ຊຸດອົບຮົມກ່ຽວກັບການປັບຕົວຂອງຂະແໜງ ການສາທາລະນະສຸກຕໍ່ກັບການປ່ຽນແປງດິນຟ້າອາກາດທີ່ແຂວງຈຳປາສັກ ຊຸດອົບຮົມດັ່ງກ່າວໄດ້ຈັດຂື້ນຢູ່ທີ່ພະແນກສາທາລະນະສູກແຂວງຈຳປາສັກ ຂອງວັນທີ 17-18 ມີນາ 2025 ໂດຍການເປັນປະທານຂອງ ທ່ານ ປອ ດຣ ເກດເກສອນ ພຣະສີສົມບັດ ຮອງກົມອະນາ ໄມແລະເສີມສຸກຂະພາບ ກະຊວງສາທາລະນະສຸກ, #ມີນັກສຳມະນາກອນທີ່ຮັບຜິດຊອບວຽກງານທີ່ຕິດພັນກັບດການປັບຕົວທາງດ້ານດິນຟ້າ ອາ ກາດຂັ້ນແຂວງຈຳນວນ06 ແຂວງເຂົ້າຮ່ວມປະກອບມີແຂວງຈຳປາສັກ, ແຂວງ ຄຳມ່ວນ,ແຂວງ ສະຫັວນນະເຂດ, ແຂວງ ສາລະວັນ,ແຂວງ ເຊກອງ ແລະ ແຂວງ ອັດຕະປື

#ອົບຮົມຄວາມຮູ້ດ້ານວິຊາການກ່ຽວກັບການ ລົງທະບຽນການໃຫ້ວັກຊິນກັນພະຍາດລາຍບຸກ ຄົນແບບອີເລັກໂຕຼນິກ ໃຫ້ພະນັກງານຂັ້ນເມືອງ ແລະ ສຸກສາລາຂອງຫ້ອງການສາທາ ລະນະສຸກນະຄອນປາກເຊ ✅ການອົບຮົມໄດ້ດຳເນີນເປັນເວລາ2ວັນເລີ້ມແຕ່ວັນທີ 18-19 ມີນາ 2025 ທີ່ພະແນກສາທາລະນະສຸກແຂວງ ຈຳປາສັກ ໂດຍການເຂົ້າຮ່ວມຂອງ ທ່ານ ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງ, ມີອາຈານຄູຝືກຈາກທິມງານສັກຢາຂັ້ນແຂວງ, ຄູຝຶກຈາກ ອົງການອະນາໄມໂລກ(WHO) #ຂ່າວສານສາທາລະນະສຸກແຂວງຂຳປາ

ໜ່ວຍພັກອະນາໄມ ແລະ ສົ່ງເສີມສຸຂະພາບປະເມີນເປັນໜ່ວຍພັກປອດໃສ, ເຂັ້ມແຂງ ໜັກແໜ້ນ ---------============--------- #ໃນຕອນບ່າຍວັນທີ 13 ພະຈິກ 2024, ໄດ້ມີກອງປະຊຸມປະເມີນໜ່ວຍພັກໜ່ວຍພັກອະນາໄມ ແລະ ສົ່ງເສີມສຸຂະພາບ ທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງຈຳປາສັກ ເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈຳປີ 2024. ໂດຍເປັນປະທານຮ່ວມຂອງ ສະຫາຍ ດຣ ວຽງສີ ສຸພັກດີ ກຳມະການພັກແຂວງ,ເລຂາຄະນະພັກຮາກຖານ ຫົວໜ້າພະແນກສາທາລະນະສຸກ ແຂວງ, ສະຫາຍ ສີບຸນຍັງ ຊາທອງຍົດ ຫົວໜ້າຂະແໜງກວດກາພັກ,ຄະນະກຳມະການປະເມີນຜົນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂັ້ນແຂວງ, ສະຫາຍ ນາງ ຈັນທະຈອນ ເທບ ວົງສາ ຮອງເລຂາໜ່ວຍພັກ, ມີ, ເລຂາ - ຮອງເລຂາໜ່ວຍພັກ, ຄະນະໜ່ວຍພັກ ທີ່ຂຶ້ນກັບກັບຄະນະພັກຮາກຖານພະແນກສາທາລະນະສຸກແຂວງ, ຕາງໜ້າອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ, ກໍາມະບານ ພ້ອມດ້ວຍສະມາຊິກພັກ ພາຍໃນໜ່ວຍພັກດັ່ງກ່າວ ເຂົ້າຮ່ວມ. #ໃນກອງປະຊຸມ,ສະຫາຍ ນາງ ຈັນທະຈອນ ເທບ ວົງສາ ຮອງເລຂາໜ່ວຍພັກ, ໄດ້ລາຍງານຫຍໍ້ບາດກ້າວ, ຂັ້ນຕອນການກະກຽມ ແລະ ດໍາເນີນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2024 ແລະ ຜ່ານບົດສຳຫຼວດການນໍາພາລວມຂອງຄະນະໜ່ວຍພັກ,ສະຫາຍ ນາງ ຈັນມີນາ ອຸດທິກອນ ປະທານກວດກາໜ່ວຍພັກ ໄດ້ຜ່ານບົດສະຫຼຸບການກໍ່ສ້ງໜ່ວຍພັກປອດໃສ, ເຂັ້ມແຂງແລະ ໜັກແໜ້ນ ປະຈຳປີ 2024.ທິດທາງນຳພາປີ 2025. ໜ່ວຍພັກອະນາໄມ ແລະ ສົ່ງເສີມສຸຂະພາບ ສ້າງຕັ້ງຂື້ນໃນຄັ້ງວັນທີ 14 ພະຈິກ 2019 ເປັນໜ່ວຍພັກໜື່ງທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງ, ທັງເປັນເສນາທິການໃຫ້ແກ່ຄະນະພັກຂັ້ນເທິງ ໃນການຜັນຂະຫຍາຍແນວທາງນະໂຍບາຍຂອງພັກ, ກົດໝາຍ ແລະ ລະບຽບການຂອງລັດ ແລະ ແຜນພັດທະນາສາ ທາລະນະສຸກ ລົງສູ່ຂັ້ນຮາກຖານປະຊາຊົນໃນທົ່ວແຂວງຈໍາປາສັກ; ໜ່ວຍພັກອະນາໄມ ແລະ ສົ່ງເສີມສຸຂະພາບ ມີພາລະບົດບາດ-ໜ້າທີ່ໃນການເຄື່ອນໄຫວຈັດຕັ້ງປະຕິບັດແຜນງານອະນາໄມ ແລະ ສົ່ງເສີມສຸຂະພາບ ສຸມໃສ່ຈັດຕັ້ງປະຕິບັດເພື່ອບັນລຸຄາດໝາຍ 10 ຕົວຊີ້ບອກທີສະພາແຫ່ງຊາດຮັບຮອງ ຂອງຂະແໜງການສາທາລະນະສຸກ ເຊິ່ງແມ່ນດັດສະນີໝາຍດ້ານສຸຂະພາບ ປະກອບສ່ວນຢ່າງຕັ້ງໜ້າໃນການຫຼຸດຜ່ອນອັດຕາການຕາຍຂອງແມ່ ແລະ ເດັກ,ການຂາດສານອາຫານຂອງເດັກຕໍ່າ ກວ່າ 5 ປີ ໃຫ້ນັບມື້ຫຼຸດລົງເທື່ອລະກ້າວ ປະຊາຊົນມີສຸຂະພາບດີມີອາຍຸຍືນຍາວ. ຈາກຜົນງານການນຳພາ - ຊີ້ນໍາວຽກງານ 1 ປີຜ່ານມາ ຕາມ 5 ຫຼັກການ 3 ທິດນຳຂອງພັກ ສາມາດຕີລາຄາຈັດປະເພດສະມາຊິກພັກ ປະເພດ ແຂງ 100% ຕີລາຄາປະເພດໜ່ວຍພັກ ເຂັ້ມແຂງ. ຈາກນັ້ນ, ຄະນະກຳມະການປະເມີນຜົນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂັ້ນແຂວງ ກໍໄດ້ປະກອບຄໍາເຫັນ ຕໍ່ບົດສະຫຼຸບ ແລະ ບົດສໍາຫຼວດການນໍາພາລວມຂອງຄະນະໜ່ວຍພັກ ເພື່ອນໍາສະເໜີຄະນະພັກ - ຂັ້ນເທີງຄົ້ນຄວ້າອະນຸມັດ ເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2024 ໃນໂອກາດຕໍ່ໄປ. ຕອນທ້າຍກອງປະຊຸມ ດຣ ວຽງສີ ສຸພັກດີ ກຳມະການພັກແຂວງ,ເລຂາຄະນະພັກຮາກຖານ ຫົວໜ້າພະແນກສາທາລະນະສຸກ ແຂວງ,ປະທານກອງປະຊຸມ ກໍມີຄໍາເຫັນໂອ້ລົມຊີ້ທິດເຍືອງທາງ ໃນການນຳພາຕື່ມອີກ. ເກດສະໜາ ແກ້ວສຸວັນນະແສງ ຂ່າວສານ ພະແນກສາທາລະນະສຸກແຂວງຈຳປາສັກ