ປະທານສະຫະພັນແມ່ຍິງແຂວງຈຳປາສັກ ພ້ອມຄະນະ ເຄື່ອນໄຫວຢາມຢ້ຽມ ແຂວງຫຼວງນໍ້າທາ
#ປະທານສະຫະພັນແມ່ຍິງແຂວງຈຳປາສັກ ພ້ອມຄະນະ ເຄື່ອນໄຫວຢາມຢ້ຽມ ແຂວງຫຼວງນໍ້າທາ -------========-------- #ທ້າຍເດືອນກໍລະກົດ 2023, ທ່ານ ນາງ ເຕດາວັນ ແກ້ວພິລາວັນ ກໍາມະການພັກແຂວງ ປະທານຄະນະບໍລິຫານງານສະຫະພັນແມ່ຍິງແຂວງຈຳປາສັກ ພ້ອມຄະນະ ໄດ້ເດີນທາງໄປເຄື່ອນໄຫວຢາມຢ້ຽມ ແລະ ເຮັດວຽກຢູ່ແຂວງໆຫຼວງນໍ້າທາ ໂດຍໄດ້ຈັດກອງປະຊຸມພົບປະແລກປ່ຽນບົດຮຽນ ກັບ ຄະນະນໍາສະຫະພັນແມ່ຍິງແຂວງຫຼວງນ້ໍາທາ ເຊິ່ງໃຫ້ກຽດຕ້ອນຮັບ ແລະ ຮ່ວມເຮັດວຽກ ມີ ທ່ານ ນາງ ບົວວັນ ພົມມະລິດ ກຳມະການພັກແຂວງ ປະທານຄະນະບໍລິຫານງານສະຫະພັນແມ່ຍິງແຂວງຫຼວງນໍ້າທາ ພ້ອມຄະນະ. ກອງປະຊຸມຈັດຂຶ້ນຢູ່ຫ້ອງປະຊຸມ ສະຫະພັນແມ່ຍິງແຂວງຫຼວງນ້ໍາທາ. ມີຄະນະບໍລິຫານງານສະຫະພັນແມ່ຍິງ ຕະຫຼອດຮອດພະນັກງານສະຫະພັນແມ່ຍິງ 2 ແຂວງເຂົ້າຮ່ວມ.
ອ່ານເພີ່ມ
ປະທານສູນກາງສະຫະພັນແມ່ຍິງລາວ ແລະ ເຈົ້າແຂວງຈຳປາສັກທ່ຽວຊົມຮ້ານສາງສະແດງ, ຈໍາໜ່າຍສິນຄ້າ ໃນໂອກາດເຂົ້າຮ່ວມກອງປະຊຸມຜູ້ແທນແມ່ຍິງທົ່ວແຂວງ
ປະທານສູນກາງສະຫະພັນແມ່ຍິງລາວ ແລະ ເຈົ້າແຂວງຈຳປາສັກທ່ຽວຊົມຮ້ານສາງສະແດງ, ຈໍາໜ່າຍສິນຄ້າ ໃນໂອກາດເຂົ້າຮ່ວມກອງປະຊຸມຜູ້ແທນແມ່ຍິງທົ່ວແຂວງ #ວັນທີ 19 ມີນາ 2025, ໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງທົ່ວແຂວງຈໍາປາສັກ ຄັ້ງທີ VIII ທີ່ຈັດຂຶ້ນຢູ່ສະໂມສອນແຂວງ ຫຼັກ 4 ນະຄອນປາກເຊ. #ເວລາພັກຜ່ອນ, ທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານສູນກາງສະຫະພັນແມ່ຍິງລາວ ແລະ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ ພ້ອມດ້ວຍປະທານສະຫະພັນແມ່ຍິງແຂວງ, ການນໍາ ແລະ ແຂກທີ່ເຂົ້າຮ່ວມກອງປະຊຸມ ກໍໄດ້ເຄື່ອນໄຫວຢ້ຽມຢາມທ່ຽວຊົມຮ້ານວາງສະແດງຜະລິດຕະພັນກະສິກຳ, ຫັດຖະກໍາຜ້າຝ້າຍ, ຢາສະໜູນໄພພື້ນເມືອງ ແລະ ຫ້ອງວາງສະແດງຜະລິດຕະພັນພື້ນບ້ານ, ເຄື່ອງອຸປະໂພກ - ບໍລິໂພກທີ່ເຂົ້າຮ່ວມວາງສະແດງໃນໄລຍະດໍາເນີນກອງປະຊຸມໃຫຍ່ຜູ້ແທນແມ່ຍິງທົ່ວແຂວງຈໍາປາສັກ. ພ້ອມນີ້ ກໍຊ່ວຍສະໜັບສະໜູນຜະລິດຕະພັນຕ່າງໆ ຕື່ມອີກ.
ອ່ານເພີ່ມ
ແຂວງຈຳປາສັກ ສຳເລັດກອງປະຊຸມໃຫຍ່ຜູ້ແທນແມ່ຍິງທົ່ວແຊວງ ຄັ້ງທີ VIII
#ແຂວງຈຳປາສັກ ສຳເລັດກອງປະຊຸມໃຫຍ່ຜູ້ແທນແມ່ຍິງທົ່ວແຊວງ ຄັ້ງທີ VIII ------=======------ #ວັນທີ 19 ມີນາ 2025, ສະຫະພັນແມ່ຍິງແຂວງຈໍາປາສັກ ໄດ້ດໍາເນີນກອງປະຊຸມໃຫຍ່ຜູ້ແທນແມ່ຍິງທົ່ວແຂວງ ຄັ້ງທີ VIII ຂຶ້ນຢ່າງເປັນທາງການສະໂມສອນແຂວງ ຫຼັກ 4 ນະຄອນປາກເຊ ໂດຍການເຂົ້າເປັນປະທານຂອງສະຫາຍ ນາງ ອາລີ ວົງໜໍ່ບຸນທໍາ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ, ສະຫາຍ ປະລິນຍາເອກ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຈຳປາສັກ, ສະຫາຍ ນາງ ວາດສະໜາ ສີລິມາ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ຜູ້ຊີ້ນໍາສະຫະພັນນັກຮົບເກົ່າ ແລະ ອົງການຈັດຕັ້ງມະຫາຊົນ ຂັ້ນແຂວງ, ສະຫາຍ ນາງ ເຕດາວັນ ແກ້ວພິລາວັນ ປະທານຄະນະບໍລິຫານງານສະຫະພັນແມ່ຍິງແຂວງ, ສະຫາຍ ພອນໄຊ ເກດມາລາ ເລຂາໜ່ວຍພັກ ຮອງຫົວໜ້າຄະນະຈັດຕັ້ງແຂວງ. ມີການຍໍາແຂວງ, ການນໍາພະແນກການກົມກອງອ້ອມຂ້າງ ແຂວງ, ການນໍານະຄອນປາກເຊ,ການນໍາ 9 ເມືອງ, ອະດີດການນໍາສະຫະພັນແມ່ຍິງແຂວງ ແລະ ຜູ້ແທນສົມບູນຈໍານວນ 173 ສະຫາຍ ທີ່ເປັນຕົວແທນໃຫ້ສະມາຊິກສະຫະພັນແມ່ຍິງ, ແມ່ຍິງລາວບັນດາເຜົ່າໃນທົ່ວແຂວງ ແລະ ແຂກຖືກເຊີນເຂົ້າຮ່ວມ 79 ສະຫາຍ, ຍິງ 47 ສະຫາຍ.
ອ່ານເພີ່ມ
