ຊຸດອົບຮົມກ່ຽວກັບລະບົບການຄຸ້ມຄອງເຫດການແລະການປະເມີນຄວາມສ່ຽງໂດຍນໍາໃຊ້ຂໍ້ມູນເພື່ອສ້າງຄວາມເຂັ້ມແຂງ ແລະ ໂຕ້ຕອບຕໍ່ເຫດ ການສຸກເສີນທາງດ້ານສາທາລະນະສຸກ

#ຊຸຸດອົບຮົມຄັ້ງນີ້ຈັດຂື້ນຢູ່ທີ່ຫ້ອງປະຊຸມຂອງສູນຄົ້ນຄ້ວາກະຊິກຳເມືອງປາກຊ່ອງ ຄັ້ງວັນທີ 9-10 ຕຸລາ 2023 ໂດຍພາຍໄຕ້ການເຂົ້າຮ່ວມເປັນປະທານ ຂອງ ທ່ານ ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງ, ຊຸດອົບຮົມຄັ້ງນີ້ພາຍໄຕ້ຄວາມຮັບຜິດຊອບຂອງກົມຄວບຄຸມພະຍາດຕິດຕໍ່ກະຊວງສາທາລະນະສຸກ ແລະ ມີນັກສຳມະນາກອນຈາກ ແຂວງຈຳປາສັກ ແລະ ແຂວງສາລະວັນປະກອບມີຫົວໜ້າຂະແໜງຄວາມຄຸ່ມພະຍາດຕິດຕໍ່, ຕ່າງໜ້າຂະແໜງບໍລິຫານ,ຂະແໜງປີ່ນປົວ, ສຸຂະສຶກສາ, ຕ່າງໝ້າ ຫ້ອງ ວ່າການປົກຄອງແຂວງ,ພາລາທິການ, ຜູ້ ຮັບຜິດຊອບວຽກງານກັນພະ ຍາດແລະສົ່ງເສີມສຸຂະພາບແລະ ຜູ້ຮັບຜິດຊອບວຽກງານຫ້ອງປະຕິບັດ ງານເຫດການສຸກເສີນຂອງຂັ້ນແຂວງ ແລະ ຂັ້ນເມືອງ ເຂົ້າຮ່ວມ:

ຈຸດປະສົງການອົບຮົມຄັ້ງນີ້ເພື່ອທົບທວນຄືນການຈັດຕັ້ງປະຕິບັດລະບົບ ການຄຸ້ມຄອງບໍລິການເຫດການສຸກເສີນ(IMS) ແລະການປະເມີນຄວາມ ສ່ຽງ ໂດຍການນໍາໃຊ້ຂໍ້ມູູນຈາກຫຼາຍແຫຼງ(MSS)ໃນການໂຕ້ຕອບເຫດ ການສຸກ ເສີນດ້ານສາທາລະນະສຸກ, ເຜີຍແຜ່ຄູ່ມືການປະເມີນຄວາມສ່ຽງ ສະບັບປັບ ປຸງໃໝ່ໃຫ້ມີຄວາມເປັນເອກກະພາບກ່ຽວກັບພາລະບົດບາດ ແລະ ໜ້າທີ່ ຮັບຜິດຊອບສຳລັບການຈັດຕັ້ງປະຕິບັດລະບົບຄຸ້ມຄອງ ບໍລິຫານເຫດການໃນພາວະສຸກເສີນ, ການກຳນົດລະບົບຕ່ອງໂສ້ການລະປະ ສານງານລະຫວ່າງ ຂັ້ນສູນກາງ, ຂັ້ນແຂວງ, ຂັ້ນເມືອງລົງຮອດຂັ້ນທ້ອງ ຖີ່ນຢ່າງເປັນ ລະບົບ ຕໍ່ເນື່ອງໃນໄລະຍະກະກຽມກ່ອນການລະບາດ, ການ ໂຕ້ຕອບ ແລະ ໄລະຍະການຟື້ນຟູຫຼັງການລະບາດຕ່າງໃຫ້ມີຄວາມຍືນຍົງ

ບັນຍາກາດຂອງຊຸດອົບຮົມແມ່ນໃດ້ເຮັດບົດທົດສອບກ່ອນ ແລະ ຫຼັງ ການອົບ ຮົມພ້ອມທັງແບ່ງກຸ່ມຄົ້ນຄ້ວາໂດຍຍົກເອົາບັນຫາຫຼືເຫດການ ໃດໜື່ງມາຄົ້ນຄວ້າປຶກສາຫາລືພ້ອມທັງແຕ່ລະກຸ່ມຂື້ນນຳສະເໜີຜົນການຄົ້ນຄວ້າ